ဘင်္ဂလားဒေ့ရှ်ယာယီအစိုးရအဖွဲ့ခေါင်းဆောင် နဲ့ ဂမ်ဘီယာနိုင်ငံခြားရေးဝန်ကြီးတို့အကြား တွေ့ဆုံပြီး ICJ တရားရုံးမှာရှိတဲ့ ရိုဟင်ဂျာအမှုအခြေအနေ ဆွေးနွေး

Photo: Government Of Bangladesh

AR Media Group မတ်လ ၁၃ ရက်၊ ၂၀၂၅

ဂမ်ဘီယာနိုင်ငံခြားရေးဝန်ကြီး မာဒူး တန်ဂါရာနဲ့ ဘင်္ဂလားဒေ့ရှ်အစိုးရအဖွဲ့ ခေါင်းဆောင် ဒေါက်တာယူနွတ်စ်တို့ ဒီကနေ့ ဘင်္ဂလားဒေ့ရှ်နိုင်ငံ ဒါကာမြို့မှာ တွေ့ဆုံခဲ့ကြပြီး တစ်နိုင်ငံချင်းစီအနေနဲ့ပဲမက၊ တာဝန်ယူမှုနှင့် တရားမျှတမှုဆိုင်ရာ ပိုမိုတိုးတက်စေရန်အတွက် အပြည်ပြည်ဆိုင်ရာပူးပေါင်းဆောင်ရွက်မှုနှင့် သက်ဆိုင်ရာအကြောင်းအရာများကို ပြောဆိုဆွေးနွေးခဲ့ကြသည်။

တွေ့ဆုံဆွေးနွေးမှုအတွင်း အပြည်ပြည်ဆိုင်ရာတရားရုံး (ICJ) တွင် ဂမ်ဘီယာနိုင်ငံက မြန်မာနိုင်ငံကို တရားစွဲဆိုထားသည့် ရိုဟင်ဂျာလူမျိုးတုန်းသတ်ဖြတ်မှု အမှုနှင့်ပတ်သက်၍ လက်ရှိအခြေအနေများ၊ ဆောင်ရွက်မှုများနှင့် တိုးတက်မှုများကို အကျယ် တဝင့် ဆွေးနွေးခဲ့ကြသည်။

တရားလိုအဖြစ် ဂမ်ဘီယာနိုင်ငံအနေဖြင့် ရိုဟင်ဂျာလူမျိုးများအတွက် တရားမျှတမှုရှိစေရန် ကြိုးပမ်းဆောင်ရွက်မှုများ၊ အမှုတွဲအပေါ် လိုက်နာဆောင်ရွက်မှုများကို ဘင်္ဂလားဒေ့ရှ်အစိုးရခေါင်းဆောင် ဒေါက်တာယူနွတ်စ်အား ပြောကြားရှင်းလင်းခဲ့ကြပြီး၊ ဒေါက်တာယူနွတ်စ်ကလည်း ဂမ်ဘီယာအစိုးရ၏ ဦးဆောင်မှုနှင့် ကြိုးပမ်းမှုများအတွက် ကျေးဇူးတင်ကြောင်း ပြောကြားခဲ့သည်။

ဆွေးနွေးပွဲတွင် ဘင်္ဂလားဒေ့ရှ်အစိုးရရဲ့ ရိုဟင်ဂျာရေးရာအကြံပေး ဒေါက်တာ ခလီလူရ် ရာဟ်မန် (Dr. Khalilur Rahman) နှင့် Sustainable Development Goals (SDG) ကိစ္စရပ်များကို ဦးစီးဆောင်ရွက်နေသည့် လမီယာ မိုရှက် (Lamiya Morshed) တို့လည်း တက်ရောက်ခဲ့ကြပြီး၊ ထပ်မံ ဆွေးနွေးပြောဆိုခဲ့ကြသည ။

AR Media Group