အကြမ်းဖက်ရခိုင့်လက်နက်ကိုင်အဖွဲ့ (AA) က ဘူးသီးတောင်မှာ ရိုဟင်ဂျာအမျိုးသမီးတွေကို ပြည်သူ့စစ်သင်တန်းတက်ရန်ဖိအားပေးနေ

AR Media Groupဧပြီလ ၃၀ရက်၊၂၀၂၅

ရခိုင်ပြည်နယ် ဘူးသီးတောင်မြို့နယ်ကို ၂၀၂၄ ခုနှစ် မေလ ၁၈ ရက်နေ့ကတည်းက သိမ်းပိုက်ထားတဲ့ ရခိုင့်လက်နက်ကိုင်အဖွဲ့ (AA) က ရိုဟင်ဂျာ အမျိုးသမီးနဲ့ မိန်းကလေးငယ်တွေကို အတင်းအဓမ္မ စစ်သားသစ် စုဆောင်းမှုတွေ စတင်လုပ်ဆောင်နေပြီလို့ သတင်းရရှိပါတယ်။

အကြမ်းဖက်ရခိုင့်လက်နက်ကိုင်အဖွဲ့ (AA) က ကင်တောင်ကျေးရွာမှာ ရိုဟင်ဂျာရွာသားတွေအား ဆင့်ခေါ်တွေ့ဆုံပြီး (AA) နဲ့ ပူးပေါင်းဖို့ ခြိမ်းခြောက်ခဲ့တယ်လို့ ဒေသခံတစ်ဦးက AR Media Group သတင်းဌာနကို ပြောပါတယ်။

ကင်တောင်ကျေးရွာတွင် တွေ့ဆုံစဉ် အသက် ၁၈ နှစ်မှ ၃၅ နှစ်ကြား ရိုဟင်ဂျာ အမျိုးသမီးများနှင့် မိန်းကလေးငယ်များကိုလည်း ခြိမ်းခြောက်ခဲ့ပြီး ရခိုင့်လက်နက်ကိုင်အဖွဲ့ (AA) နှင့် ပူးပေါင်းရန် အမိန့်ထုတ်ထားကြောင်းလည်း အဆိုပါ သတင်းရင်းမြစ်က ဆက်လက်ပြောသည်။

ဘူးသီးတောင်တွင် အသက် ၁၈ နှစ်မှ ၄၅ နှစ်ကြား ရိုဟင်ဂျာ အမျိုးသား ၇၀၀ ကျော်ကို အဆိုပါ(AA) မှ အတင်းအဓမ္မ စုဆောင်းထားပြီးဖြစ်ကာ ၎င်းတို့အား ညောင်ချောင်းကျေးရွာတွင် တဲထိုးပြီး စခန်းကျ နေခိုင်း၍ လမ်းများ၊ တပ်ရင်းခန်းများနှင့် ကင်းစခန်း များ ဖောက်လုပ် တည်ဆောက်ရန်အတွက် လုပ်အားပေးအဖြစ် အသုံးပြုလျက် ရှိသည်။

5

AR Media Group

© Reported by: AR Media Group