AR Media Group

မေလ ၃၀ ရက်နေ့တွင် အိန္ဒိယဝန်ကြီးချုပ် နာရန်ဒရာ မိုဒီ၏ ဖိတ်ကြားချက်အရ သမ္မတ မင်းအောင်လှိုင်သည် အိန္ဒိယနိုင်ငံ၊ ဂါယာ အပြည်ပြည်ဆိုင်ရာ လေဆိပ်သို့ တရားဝင် ချစ်ကြည်ရေးခရီး ရောက်ရှိခဲ့သည်။

၎င်းရောက်ရှိလာချိန်တွင် မြန်မာကိုယ်စားလှယ်အဖွဲ့အား အိန္ဒိယနိုင်ငံဆိုင်ရာ မြန်မာသံအမတ်ကြီး၊ စစ်သံမှူး၊ ကာလကတ္တားမြို့ရှိ ကောင်စစ်ဝန်ချုပ်နှင့် ဘီဟာပြည်နယ်အစိုးရ၏ အကြီးတန်းကိုယ်စားလှယ်တို့က ကြိုဆိုခဲ့ကြသည်။

ခရီးစဉ်အတွင်း နိုင်ငံတော်သမ္မတ မင်းအောင်လှိုင်သည် အိန္ဒိယသမ္မတ၊ဝန်ကြီးချုပ် နာရန်ဒရာ မိုဒီ၊ အိန္ဒိယဝန်ကြီးများ၊ ဒေသဆိုင်ရာခေါင်းဆောင်များနှင့် စီးပွားရေးလုပ်ငန်းရှင်များအား တွေ့ဆုံရန် စီစဉ်ထားသည်။

ဆွေးနွေးပွဲအတွင်း နှစ်နိုင်ငံဆက်ဆံရေး မြှင့်တင်ခြင်း၊ လက်ရှိလုပ်ဆောင်နေသော အခြေခံအဆောက်အအုံ စီမံကိန်းများကို အကဲဖြတ်ခြင်းနှင့် မြန်မာနှင့် အိန္ဒိယအကြား စီးပွားရေး၊ ယဉ်ကျေးမှု၊ ဘာသာရေးနှင့် လူမှုရေးနယ်ပယ်များတွင် ပူးပေါင်းဆောင်ရွက်မှု မြှင့်တင်ခြင်းတို့ကို အဓိကထား ဆွေးနွေးရန် မျှော်လင့်ရသည်။