Categories: Blog

မူလနေရပ်ကနေ AA ဖယ်ရှားခဲ့တဲ့ ဘူးသီးတောင်အလယ်ပိုင်းရွာ (၄)ရွာနေ ဒေသခံ ရိုဟင်ဂျာတွေရဲ့ အခြေအနေ ဆိုးရွားနေ

AR Media Group မတ် ၁၀ ရက် ၊ ၂၀၂၅

ဘူးသီးတောင်မြို့နယ်အလယ်ပိုင်း ရိုဟင်ဂျာကျေးရွာတွေဖြစ်တဲ့ ပြင်ရှည်ကျေးရွာ (လာမ်ဘာဘီလ်)၊ ကြက်မောက်တောင် (မြောက်)ရွာ (ရှော်ဒေါရ်ဖာရာ)၊ ကြက်မောက်တောင်(တောင်)ရွာ (ဟာဒိမ်မာဖာရာ)နဲ့ ဒဗြုချောင်းကျေးရွာ (ဒဘုရုညောင်) စတဲ့ ရွာ (၄)ရွာက ဒေသခံ ရိုဟင်ဂျာတွေကို မူလနေရပ်ရွာတွေကနေ အကြမ်းဖက် ရခိုင်လက်နက်ကိုင် ULA/AA က ဖယ်ရှားခဲ့ပြီး ပုလဲတောင် (မော်နာဖာရာ)နဲ့ ပြင်ရှည် (လာမ်ဘာဘီလ်) ကြားက လယ်ကွင်းတွေမှာ ပြန်လည်နေရာချထားပေးနေတယ်လို့ သတင်းရရှိပါတယ်။

ဒဗြုချောင်းကနေ ပြင်ရှည်အထိ ရိုဟင်ဂျာရွာတွေကို AA က သိမ်းယူထားပြီး ရိုဟင်ဂျာ ရွာသူရွာသားတွေကို နေရာအသစ် ချထားပေးနေတယ်လို့ ဘူးသီးတော အကြမ်းဖက် ရခိုင်လက်နက်ကိုင်င် ULA/AA နဲ့ နီးစပ်တဲ့ သတင်းအရင်းအမြစ်က အတည်ပြုပါတယ်။

အကြမ်းဖက် ရခိုင်လက်နက်ကိုင်AA ချထားပေးတဲ့ နေရာသစ်မှာ ရာနဲ့ချီတဲ့ ရိုဟင်ဂျာမိသားစုတွေဟာ အစစအရာရာ လိုအပ်ချက်တွေ ရှိနေပြီး စားနပ်ရိက္ခာ၊အဝတ်အထည်နဲ့ နေရာထိုင်ခင်းအတွက် လိုအပ်တဲ့ အမိုးအကာ အိမ်အသုံးအဆောင် တွေစတဲ့ လိုအပ်ချက်တွေ ကြီးကြီးမားမား ရှိနေတယ်လို့ နေရပ်ရွေ့ပြောင်းခံရသူတွေနဲ့ လတ်တလော အဆက်အသွယ်ရ ခဲ့သူတွေက AR Media သတင်းဌာနကို ပြောပါတယ်။

အကြမ်းဖက် ရခိုင်လက်နက်ကိုင် AA ဘက်က လယ်မြေတွေထဲ အိမ်ဆောက်နေဖို့ မြေကွက်နဲ့ ဝါးတချို့ အမိုးအကာတချို့ ထုတ်ပေးပေမယ့် ဖူလုံမှု မရှိဘူးလို့ သိရပါတယ်။ ကလေးသူငယ်များနဲ့ အသက်ကြီးရွယ်အိုများအတွက် အရေးအပေါ် အကူအညီတွေ လိုအပ်နေတယ်လို့လည်း ပြောပါတယ်။

အကြမ်းဖက် ရခိုင်လက်နက်ကိုင် ULA/AA အနေနဲ့ ဘူးသီးတောင်မြို့နယ်အတွင်းရှိ ရိုဟင်ဂျာတွေကို သူတို့ရဲ့ မူလနေထိုင်ရာ ကျေးရွာတွေကနေ ဖယ်ရှားနေတာနဲ့ ပတ်သက်ပြီး တိတိကျကျ သတင်းထုတ်ပြန်ဖို့ပေးဖို့ လိုအပ်တယ်လို့ ရိုဟင်ဂျာအရေး လေ့လာသုံးသပ်သူတွေက ဆိုပါတယ်။

ဘူးသီးတောင်မြို့နယ်မြောက်ပိုင်းက ရိုဟင်ဂျာကျေးရွာတွေဖြစ်တဲ့ မောင်ကြီးတောင် (ရှာဗ်ဘာဇာရ်)၊ အောင်လံပြင် (မော်ရီဆာဘိလ်)၊ အောင်လံပြင် (အော်လီဘာဖာရာ)၊ သရေကုန်းတန်း (ရှိုက်ရီခူနာ)၊ မောင်လှမ (ရောင်ဖာရာ)၊ င/ကျဉ်တောက်၊ ဘဒနာ၊ ကူမီခါလီ၊ မီးကျောင်းခေါင်းဆွဲ၊ ကုန်းတန်း၊ လောင်းချောင်း (ရုဆာနာဘီလ်)၊ အိုရီယာဖာရာ၊ ဘဇာရ်ဖာရာ စတဲ့ ရိုဟင်ဂျာကျေးရွာတွေကို အကြမ်းဖက် ရခိုင်လက်နက်ကိုင် AA က ဖိအားပေး ဖယ်ရှားနေပြီး မေယုမြစ်အရှေ့ပိုင်းနေရာမှာ ပြန်လည်နေရာချထားပေးဖို့ ပြင်ဆင်နေတယ်လို့ သိရပါတယ်။

အလားတူ အတွင်းငှက်သေကျေးရွာ (ကီယာဇိန်ဂါဖာရာ)၊ ပြာပင်ရင်း (စီတောရ်ဖာရာ)၊ ထန်းရှောက်ခံ (ဟောယ်ယာစီရီ)၊ ရွက်ညိုတောင်ကျေးရွာ (၃)ရွာဖြစ်တဲ့ (ရောင်ဂယျာတောင်-အလယ်)၊ (ဖောရ်နီဘာရှာ)၊ (ရောင်ဂယျာတောင်-တောင်ရွာ)၊ ကွန်တိုင် ကျေးရွာ အုပ်စု၊ သရက်ကင်းမနု (သာရာက်ကူနီ) စတဲ့ ရိုဟင်ဂျာကျေးရွာတွေကိုလည်း ဖယ်ရှားရှင်းလင်းနေတယ်လို့ ကနဦး သတင်းရရှိထားပြီး အသေးစိတ် ဆက်လက်စုံစမ်းနေဆဲ ဖြစ်ပါတယ်။

အကြမ်းဖက် ရခိုင်လက်နက်ကိုင် ULA/AA က ဘူးသီးတောင်မြို့နယ်အတွင်း ရိုဟင်ဂျာကျေးရွာတွေကို မူလဖွဲ့စည်းပုံအတိုင်း မထားတော့ဘဲ ကျေးရွာအများစုကို မူလနေရပ်ကနေ ဖယ်ရှားပြီး IDP စခန်းတွေပုံစံ နေရာအသစ် ချထားပေးဖို့ ပြင်ဆင်နေတယ်လို့ ဘူးသီးတောင် အကြမ်းဖက် ရခိုင်လက်နက်ကိုင် ULA/AA နဲ့ နီးစပ်တဲ့ သတင်းအရင်းအမြစ်က ပြောပါတယ်။ဒါ့အပြင်ရိုဟင်ဂျာအမည်တွေနဲ့ ရှိနေတဲ့ ကျေးရွာအမည်တွေကိုလည်း အမည်ပြောင်းလဲဖို့ ပြင်ဆင်နေတယ်လို့ အဆိုပါ သတင်းအရင်းအမြစ်က ဆိုပါတယ်။

ဖုန်းနဲ့ အင်တာနက် ဖြတ်တောက်ခံထားရပြီး ဘင်္ဂလားဒေ့ရှ် ဆင်းကဒ်သုံးစွဲမှုကိုပါ ပိတ်ပင်ထားတာကြောင့် ဘူးသီးတောင်မြို့နယ်အတွင်း အခြေအနေတွေကို အချိန်နဲ့တပြေးညီ သိရှိရဖို့ အခက်အခဲများစွာရှိနေပါတယ်။

AR Media Group

Editor

Recent Posts

6 minutes ago

ဘဂ်လာဒေ့ချ် ရိုဟင်ဂျာ ဒုက္ခသည်များမှ ကုလသမဂ္ဂ အထွေထွေအတွင်းရေးမှူးချုပ်ထံသို့ အိပ်ဖွ‌င့်ပေးစာ။

AR Media Group မတ်လ ၁၄ ရက် ၊ ၂၀၂၅ အတွင်းရေးမှူးချုပ် အန်တိုနီယို ဂူတာရက်စ်၊ ကော့စ်ဘဇားရှိ အကြီးဆုံးဒုက္ခသည်စခန်းတွင် ယနေ့ ကျွန်ုပ်တို့…

30 minutes ago

စခန်း 20 တွင် လူများစုဝေးရာ ရိုဟင်ဂျာ လေးဦး သေဆုံးခဲ့သည်။

AR MEDIA GROUP မတ်လ ၁၄ ရက် ၊ ၂၀၂၅ ရိုဟင်ဂျာဒုက္ခသည်စခန်း 20 တွင် ကြေကွဲဖွယ်ဖြစ်ရပ်တစ်ခုဖြစ်ပွားခဲ့ရာ လူ ခုနစ်ဦးသေဆုံးကာ လေးဦးဒဏ်ရာရရှိခဲ့သည်။…

6 hours ago

ရိုဟင်ဂျာအရေး ဆောင်ရွက်ပေးဖို့ ကုလ အတွင်းရေးမှူးချုပ်ကို BROUK တောင်းဆို

AR Media Group မတ်လ ၁၃ ရက် ၊ ၂၀၂၅ ဘင်္ဂလားဒေ့ရှ်နိုင်ငံကို သွားရောက်ဖို့ရှိနေတဲ့ ကုလသမဂ္ဂ အတွင်းရေးမှူးချုပ် အန်တိုနီယို ဂူတားရက်စ်ကို ရိုဟင်ဂျာအရေးနဲ့…

24 hours ago

နယ်စပ်ခြံစည်းရိုးနားတွင် စစ်လက်ကျန်ဗုံးပေါက်ကွဲလို့ ရိုဟင်ဂျာ ၁ ဦးခြေထောက်တစ်ဖက် ပြတ်ထွက်သွား

AR Media News - မတ်လ ၁၃ ရက်၊ ၂၀၂၅ ။ အာရ်ကာန်ဒေသ ၊ မောင်တောမြို့နယ်၊ ရွှေဇားကျေးရွာရဲ့ အနောက်ဖက်ရှိ နယ်စပ်ခြံစည်းရိုးနားတွင်…

1 day ago

ဘင်္ဂလားဒေ့ရှ်ခရီးအတွင်း ရိုဟင်ဂျာဒုက္ခသည်တွေနဲ့ ကုလအကြီးအကဲတွေ့မည်

AR Media Group မတ်လ ၁၃ ရက် ၊၂၀၂၅ ကုလသမဂ္ဂအတွင်းရေးမှူးချုပ် အန်တိုနီယို ဂူတာရက်စ် (Antonio Guterres) သည် မတ်လ ၁၃…

1 day ago